Aqmola oblysynda óńirlik shtabqa partııanyń oblystyq fılıalynyń birinshi orynbasary Ǵalym Bekmaǵambetov jetekshilik etedi. О́tken jylǵy prezıdent, 2016 jylǵy Májilis depýtattary men máslıhattar saılaýynda ol oblystyq shtabty basqardy.
Aqtóbe oblysynda saılaýaldy shtabtyń tizgini partııanyń oblystyq fılıaly basshysynyń orynbasary Erbol Danaǵulovtyń qolyna tıdi.
Almaty oblysynda saılaýaldy shtabtyń basshylyǵy oblystyq máslıhat hatshysynyń mindetin atqarýshy Serik Muqanovqa senip tapsyryldy. Onyń saılaý kezeńinde alǵan tájirıbesi bar. 2015 jyly el Prezıdenti jáne 2016 jylǵy Májilis pen máslıhat depýtattary saılaýynda ol shtabty basqardy.
Atyraý oblysyndaǵy aımaqtyq saılaýaldy shtabynyń tizgini partııanyń oblystyq fılıaly tóraǵasynyń orynbasary Nurlybek Ojaevtyń qolyna berildi. О́tken jyly Prezıdent saılaýynda ol shtabty basqarǵan.
Shyǵys Qazaqstan oblysynda partııanyń oblystyq fılıaly tóraǵasynyń birinshi orynbasary Oleg Chýgýnkov aımaqtyq saılaýaldy shtabynyń jetekshisi boldy. 2019 jyly Prezıdent saılaýynda ol óńirlik shtab apparatynyń basshysy qyzmetin atqardy.
Jambyl oblysynda shtab jetekshisi bolyp oblystyq máslıhat hatshysy Baǵlan Qarasholaqov, al Batys Qazaqstan oblysynda partııa fılıaly tóraǵasynyń birinshi orynbasary Murat Muqaev taǵaıyndaldy.
Qaraǵandy oblysynda saılaýaldy shtabty partııa fılıaly tóraǵasynyń birinshi orynbasary Qadısha Ospanova basqarady. Onyń da 2011, 2015, 2019 jyldardaǵy Prezıdent, sondaı-aq 2012 jáne 2016 jylǵy Májilis depýtattary men máslıhattar saılaýynda oblystyq shtab basshysynyń orynbasary bolǵan kezde jınaǵan tájirıbesi bar.
Mańǵystaý oblysynda saılaýaldy shtabyn fılıal tóraǵasynyń birinshi orynbasary Elýbaı Ábilov basqarady. Ol 2019 jyly Prezıdent saılaýynda shtab basshysynyń orynbasary bolǵan.
Qostanaı, Qyzylorda, Pavlodar, Soltústik Qazaqstan jáne Túrkistan oblystarynda saılaýaldy shtabtardy partııanyń oblystyq fılıaldary tóraǵalarynyń birinshi orynbasarlary, atap aıtqanda Eldar Kúzenbaev, Láılá Tóreshova, Ilıa Terenchenko, Ásem Rahmetova jáne Beısenbaı Tájibaev basqarady.
Buǵan deıin Shymkent, Almaty jáne Nur-Sultan qalalaryndaǵy saılaýaldy shtabtardyń basshylaryn taǵaıyndaý týraly jarııalanǵanyn aıta ketkimiz keledi.
Shymkentte jetekshi partııanyń saılaýaldy shtabynyń tizgini qalalyq fılıal tóraǵasynyń birinshi orynbasary Bahadyr Narymbetovke berildi. Buǵan deıin ol 2019 jyly Prezıdent saılaýynda qalalyq shtabty basqarǵan.
Almatydaǵy saılaýaldy shtabtyń jetekshisi bolyp belgili qoǵam qaıratkeri, "Turan" ýnıversıtetiniń rektory Rahman Alshanov taǵaıyndaldy. Onyń da elektoraldy kezeńde jınaǵan tájirıbesi bar. 2011, 2015, 2019 jyldardaǵy Prezıdent, sondaı-aq 2012 jáne 2016 jyldardaǵy Májilis pen máslıhattar saılaýynda ol óńirlik shtabty basqardy.
Nur-Sultan qalasynda partııanyń saılaýaldy shtabyn Nur Otan partııasy qalalyq fılıaly tóraǵasynyń birinshi orynbasary Erlan Kanalımov basqarady. 2019 jyly el Prezıdentiniń saılaýynda ol elordalyq shtabqa jetekshilik etti.
